梁家騮4年抱4 拒做怪獸爸

「一個嬌,兩個妙,三個吃不消,四個斷擔挑!」這幾句是七十年代家計會的宣傳口號。如果按風之后李麗珊話齋,生一個小朋友要400萬的話,生4個必定斷擔挑,一筆1,600萬元養兒育女費絕對不是人人生得起。

剛卸任立法會議員的醫學界梁家騮,2011年結婚,自言沒有特別生育計劃的他,4年抱4,現時大仔讀K2,二女讀K1,三女讀學前班,細仔8個月大。

「香港好多人都生小朋友,又見唔得個個都要使幾百萬,睇點用法,有好多使費平又得貴又得,香港中產也未必要幫小朋友交好貴的學費,其實有好多大眾化選擇。」梁家騮沒有如其他中產家長般,把3個適齡入學的仔女送進國際學校,反而選擇本土幼稚園,這與他自己在普通學校成長有關,認為有競爭先有進步。

每年除了帶子女短途外遊兩次,假日有時又會與子女去遊船河。
梁家騮太太於私家醫院剖腹生產細仔,由於住單人房,出院費要10萬元。
梁家騮太太於私家醫院剖腹生產細仔,由於住單人房,出院費要10萬元。

「我未必平養(子女),但覺得平貴唔係最重要因素,唔係話俾好多錢,第日小朋友就發展好好,有好多好一般成長過程也發展得好好。」梁家騮自己就是「人辦」,自幼家貧,但讀書好,皇仁仔出身,大學時代在中大讀醫,現是專長肝膽胰及腸胃科的外科專科。他又不諱言,沒有預留一大筆錢送幾個仔女到外國升學。「我成日心諗,似乎競爭力最強的會留在香港,競爭力最強的不用使好多錢。我自己咁多兄弟全部大學前都在香港讀,去外國都只係進修時先去。如小朋友想去留學,會睇佢點解要去外國讀。」

沒有安排仔女入讀每年學費「十幾萬聲」的國際學校,也沒有儲備到外國留學費用,但梁太透露,3個小朋友的教育開支也不少,單是每月學費加補習或興趣班,就要4.5萬元,連同奶粉尿片加3名外傭照顧小朋友,佔丈夫總收入15%。

4個小朋友都是用同一部學行車,梁家騮指生得密慳好多。
訪問當日幾個小朋友拿著一瓶吹泡泡,已玩得不亦樂乎。王嘉昌攝

開支大,梁太建議「慳啲使」,丈夫反而覺得開源更重要。梁家騮說︰「因之前幾年時間做立法會(議員),現多些時間做回臨床工作,做醫生其實係,勤勤力力唔係收好貴,都會搵錢多過做議員!」未計其他津貼,立法會議員每月薪酬超過9萬元,任期完結後還有筆60多萬元任滿酬金,但他爽快說︰「轉頭就使晒啦!呢啲係一筆過之嘛,不是定期收入。」

幾年前,梁家騮與兄長在中環太子大廈夾份開診所,年多前又與幾位股東合資共800萬元,在同區開設內視鏡中心,幫病人照內窺鏡。梁家騮口中的開源,就是要多做醫務工作,增加收入,但梁家騮坦言,現時沒有作任何新投資,只靠以前買落的大籃籌股票收息,不想冒險,皆因他蝕過錢。「計番條數真係賺到,就係我每個月出嘅糧,自己做醫生的薪金實賺無蝕,齋儲未嘗唔係一個穩妥的方法,最穩陣就係本行專業的收入係可靠過投資。」不過,他說如果手頭有鬆動錢,就不要輸給通賬,要看看如何維持其資產價值。

年近半百才結婚生仔,梁家騮反而覺得是最好的時機,更教路生得密着數些。「我們得一架學行車、BB床最多時有兩張,後送一張畀人,也有親人送衫俾小朋友,我們又會把好少穿的細路衫送俾人。」說到此,梁家騮拿出手機,與記者分享幾個小朋友買衫樂的片段。「前兩日同佢哋去佐敦,哥哥呢件有斗篷的Superman衫先幾十蚊,妹妹呢件白雪公主衫99蚊之嘛,啲錢咪幾好使囉,這些都係慳錢的方法。」

攝影︰王嘉昌

發表迴響

你的電子郵件位址並不會被公開。 必要欄位標記為 *