騰訊跌一成 大行仍籲買入

股王騰訊昨日(16日)公布業績,錢賺多咗,但今日(17日)股價又少咗1.1%,由高位220.8蚊計,已經唔見11.8%,點解呢?

騰訊第三季純利按年多賺43%,按季跌1%,收入升52%,大致符合市場預期。成績表雖然都算好,但就無乜驚喜。可能以往太多驚喜,市場今次難免會失望。

而問題係,資本開支按季大升逾1倍,整體毛利率由58%收窄至54%,令盈利增長有可能收窄。 再睇各分部表現,帶動業績的重要功臣手遊,收入未能繼承之前以倍數上升的良好傳統,今次「僅」增長87%。未來可能要靠今季收入增長逾三倍的支付及雲計算的其他業務。

大行對呢份成績表普遍有少少唔滿意,大部分將QQ目標價降低,之不過,就算目標價降低,最低一間亦看225蚊,閒閒地高過現價194.8蚊一成有多,評級依然清一色買入同跑贏大市。

深港通盛傳28日開通,預期騰訊會係受惠股之一,跌左咁多,去到呢個monment,你估佢會唔會爆番上去呢?

撰文︰陳永裕

發表迴響

你的電子郵件位址並不會被公開。 必要欄位標記為 *