詹濟南隔空驗樓無難度

上車固然是不少人的夢想,但成功上車後任務尚未完成,事關拍板買樓後,買家仍需驗收新居,直到收樓一刻買家都不能鬆懈。

一般樓盤表面看都整齊企理,但內裡可能暗藏陷阱,新居入伙本是開心事,但若驗樓後才發現問題時,無論時間及金錢上都蒙受損失。資深驗樓師詹濟南(詹Sir)開講,細心解答讀者問題,由分辨化妝樓、睇新舊樓須知到驗樓方法,當日詹Sir更即席「隔空驗樓」,為讀者解決困擾多時的漏水問題,未知你有否相同的苦惱?

  1. 如何分辨化妝樓?

詹Sir笑稱,「睇樓時首先唔好睇個單位,去後樓梯睇個Condition先,因為後樓梯同個單位係同樓齡,如果個後樓梯是爛到不得了的話,個單位應該都係爛到咁上下。」他又指,現時化妝盤層出不窮,他曾見過最誇張的是「睇個分體冷氣機,得個殼」,亦有見到只有入面的分體冷氣機,沒有出面;有試過有爐頭冇接喉;企缸有去水cover冇去水喉等,睇樓時最好逐樣試和看清楚,千萬不要覺得外表靚就沒有問題。

  1. 甚麼時間驗漏水最好?

詹Sir笑言,最好當然是十號風號之後驗最準確,但一年都未必會有一日,所以下雨後驗樓已經非常足夠,但收樓並不可以自己選擇季節,他笑言,「唔可以冬天不唔收樓,夏天才收樓」,所以就要靠睇跡象來驗漏水,例如窗邊有沒有漏風、變形和窗隙之間有沒有氣泡等等。如果真是

  1. 外牆漏水的問題,應該找管理處還是自己處理?

業主要先搞清楚外牆誰屬,詹Sir指,過往大部分外牆是屬於公家,但亦有些是屬於私人的,若發現外牆的業權是公家的話,一定要找管業處處理,「就算自己處理到,都唔好處理,唔係將來出左事都會搵返你」,通常是由業主立案法團負責出錢維修外牆,所以發現有問題應該要報上管業處。

  1. 有沒有快速驗樓法?

有時買二手樓,業主需要買家短時間內下決定,驗樓時間倉卒。資深如詹Sir都耍手擰頭搞唔掂,「一個兩房單位,我和同事兩個人都要驗45分鐘,若要在好短時間驗樓,不如你都係預筆錢做維修算啦。」但若真是要在短時間內收樓,詹Sir就會選擇看窗邊有沒有漏水和廁所天花有沒有爛。

撰文:鄒潔儀

發表迴響

你的電子郵件位址並不會被公開。 必要欄位標記為 *